Litt tidleg ute...!

Har tidlegare skrive om kor tidleg julesnopet var i butikkane her. I går såg eg denne plakaten der det står "snart er Valentinsdagen..." Jiiiis! Alvorleg talt..det er oktober, valentinsdagen er i februar og eg trur at mennene som liksom skal sjå denne plakaten og tenka på blomar til kjærasten allereie er nok stressa over alle julegåvene dei må tenka på.
Eg godtek motvillig det tidlege julestresset, men hallo...valentinsdagen...eh..

Eit under har skjedd!

(bilete henta frå Google)

Eg...ja EG..eg som HAATAR å gå til frisøren har fått ei oppvåking! Eg er livredd for frisørar, er alltid like redd for at dei skal skamklippa meg og farga håret mitt utan at eg vil det...(paranoid..kven eg?) . Eg har difor unngått å gå til frisøren, dei gongane eg har innsett at tuppane MÅ verta klipt, har mamma måtta til pers med saksa;)

Heldigvis har eg vennar... Som eg har sagt før, anbefalte Linn meg å gå til denne frisørsalongen, der eg for første gong vart supernøgd med klipp og frisør! Det einaste problemet er at eg ikkje bur i Bergen og Noreg no, men håret mitt fortsett å veksa...iii! Eg har budd i Tyskland i to år no, men fram til no har eg pga denne "redselen" for frisørar ikkje kvinna meg opp til å ta turen her. Det finst utruleg mange frisørar..korleis kan ein vita kven som er flinke eller ikkje??
I alle fall..for å gjera ei lang historie..vel..ikkje so lang har eg heldigvis vennar her og. Mi søte venninne Nadine sa eg burde ta turen til denne salongen.

I går gjekk eg med hamrande hjarte og stigande puls hit og lurte på om eg skulle snu i døra. Eg vart møtt av hyggelege folk og super service, pulsen byrja å roa seg litt. Eg møtte frisøren som skulle klippa meg, og han var nett slik eg likar det. Lite prat, god jobb! Eg endte faktisk opp for andre gong på eitt år (dette er ca 3 gongar so mykje som eg pleier..minst!) å gå smilande ut frå ein frisørsalong med ein hårklipp eg faktisk var nøgd med! Og meir enn det...eg bestilte ny time før jul..og eg GLER meg faktisk til å gå tilbake!! Yay for meg!

Jenta som er nøgd med håret sitt (sjølv om ho ikkje ser slik ut på biletet;))

Happy birthday!

Bilete henta frå Google.

I dag er min helt, The Boss Bruce Springsteen 60 år! Denne mannen er fantastisk, eg håpar han fortsett å spela i MANGE år til saman med det utrulege E-Street Band:D Kjenner meg litt som ein fjortiss ja, men altså...eg hadde gifta meg med denne mannen på flekken;)

Gi ditt ansikt!

Eg har nett gitt mitt ansikt til Plan Norges jentekampanje! Dette er noko alle bør gjera, for å setja fokus på kvinnerettar i verda! Attende får du ansiktet ditt i rosa.


Her kan du og gje ditt ansikt:)

Laurdag 5.september....

...var julesnopet og julepynten på plass i butikkhyllene!! OMG!

Besøk og 150 kg eple!

Grunnen til lite blogging i det siste er at eg(me) har hatt besøk av mine flotte foreldre den siste veka:D Det har vore finfint å ha dei her ei stund, sjølv om det sjølvsagt hadde vore endå finare å ha dei nærare heile tida. Sola har vore på plass so godt som heile veka!
I tillegg til kos, besøk i Wittenberg og tur til Zoologischer Garten med Birthe, har eg og min søte pappa "ribba" epletreet i hagen for eple, til saman 150 kg! Sommar og besøk er fint altså!

Typisk tysk...

I desse dagar feirar eg to års jubileum i Tyskland! På desse to åra har eg opplevd litt av kvart og har lagt merke til ein del ting eg ser på som typisk for dette landet. Matvanar, studenttradisjonar osb. er annleis enn heime i Noreg, både på godt og vondt:) Eg har sett saman ei liste med ting eg etterkvart har vent meg til her, ting eg framleis tykkjer er rart/irriterande/forvirrande og ting eg likar godt/mindre godt med Tyskland og Berlin. De kan jo sjølv gjetta kva som høyrer inn under desse kategoriane:)

På universitetet:

- Forelesingane her varar i 1,5 timar utan pause!
- Tyske professorar har ein tendens til å lika stemma si veldig godt og har ingenting imot å utvida desse 1,5 timane med i alle fall 1/2 time til...
- På slutten av kvar forelesing får forelesarane "applaus" ved at studentane slår knokane på hendene mot bordet
- Alle har med seg vatnflasker med (minst) 1,5 liter til forelesing
- Ein et middag kvar dag i mensaen på universitetet..om ein betalar meir enn 2,50€ (20-25 kr) for maten, tykkjer ein det er dyrt
- Om ein skal snakka med ein professor utanom forelesingstida må ein "bestilla" tid i Sprechstunden til professoren (noko som ca er 1 time i veka...)

I kvardagen:

- Ein føl nøye med på kva krona er verdt i forhold til euroen
- Øl (og alkohol generelt) vert drukke overalt...alltid! På toget på veg heim om ettermiddagen, om morgonen før jobb, i parken, på gata...you name it!
- Om ein må betala meir enn 5€ (40-50 kr) for ei flaske vin meiner ein at ein har betalt altfor mykje!!
- Ein treng papir for ditt og papir for datt...ein treng til og med papir på at ein ikkje treng eit papir;)
- Panteflasker må sorterast etter kvar ein kan levera dei til pant (Einwegsflaschen/Mehrwegsflaschen) og flaskene er verdt ulik pantesum (ølflasker 8 cent, normale flasker 15 cent....osb.)
- Ein møter dagleg ein galning på U-bahn stasjonen
- Det er umogleg å betala med Visakort i veldig mange butikkar (som t.d IKEA) og ein må difor alltid hugsa å ha kontantar med seg

Matvaner:

-BRATWURST! Ingen ekte tysk feiring utan øl og bratwurst!
-Ein annan kjempepopulær variant av pølse er Currywurst (pølse med currysaus..)
- I Berlin kjemper pølsa om populariteten mot Döner (Pitakebab)
- Om döneren er dyrare enn 2,50€ (20-25 kr) får ein hakeslepp
- På konsert eller andre arrangement betalar ein pant på glasa og leverer dei attende etter bruk

Eg ser for meg at denne lista kan verta utvida etter to nye år i dette fascinerande landet:)